Leiðangursmiðuð nýsköpun: Ný nálgun til að umbreyta kapítalismanum?

[Af tæknilegum ástæðum eru nokkrar gloppur í myndbandinu]

Erindi haldið á Nýsköpunarvikunni, 16. maí 2022, fundarboð var svohljóðandi:

Leiðangursmiðuð nýsköpun (e. mission oriented innovation) er stefna sem hefur haft mikil áhrif á opinbera stefnumótun undanfarin ár, og sést m.a. í styrkjaáætlunum Evrópusambandsins. Hún hvetur til þess að ríkið leiði efnahagslífið til að takast á við mentaðarfullar samfélagslegar áskoranir.

Arnar Sigurðsson, stofnandi samélagslegu tilraunastofunnar Austan mána, mun kynna þær hugmyndir sem liggja að baki stefnunni og ræða kenningar hagfræðingsins Mariana Mazzucato, sem er ein ötulasta talskona leiðangursmiðrar nýsköpunar og hefur undanfarið ögrað viðteknum hugmyndum um verðmætasköpun, hlutverk ríkisins og eðli nýsköpunar.

Í kjölfar erindisins verður boðið upp á umræður.
Staðsetning: Salurinn Fenjamýri í Grósku.

Upptökur annaðist Læf.